اسلم خيرپوري

اسلم خيرپوري

اسلم خيرپوري

اسلم خيرپوري: قومپرست اڳواڻ اسلم خيرپوري جو پُورو نالو محمد اسلم ولد محمد سليمان ميمڻ آھي. ھن 19 ڊسمبر 1965ع تي ميرپور بٺوري، ضلعي سجاول ۾ جنم ورتو. ابتدائي تعليم ميرپور بٺوري مان حاصل ڪئي. 1983ع ۾ گورنمينٽ ھاءِ اسڪول سُجاول مان مئٽرڪ، 1987ع ۾ سُجاول ڪاليج مان انٽر ۽ 1990ع ۾ سنڌ يونيورسٽي، ڄامشوري مان گريجوئيشن ڪئي. 1981ع ۾، ھاءِ اسڪول جي پڙھائي دوران جيئي سنڌ لطيف سنگت ۾ شامل ٿي سياست جي شروعات ڪئي. لطيف سنگت، ضلعي ٺٽي جو پھرين آرگنائيزر ۽ پوءِ ضلعي صدر رھيو. ھاءِ اسڪول ۾ سياسي سرگرمي سبب ٻن مھينن تائين سب جيل، سجاول ۾ رهيو. 1982ع ۾ فلسطين جي حق ۾ احتجاج ڪرڻ تي، ٻن مھينن تائين سب جيل، ميرپور بٺوري ۾ رهيو. بعد ۾ سب مارشل ائڊمنسٽريٽر، ڪورٽ ٺٽي کيس ھڪ سال سخت پورھئي، 5 ڦٽڪا (جيڪي پوءِ معاف ٿيا) ۽ 5000 رپيا ڏنڊ جي سزا ٻڌائي. ان کان پوءِ 2 مھينا سينٽرل جيل، حيدرآباد، نارا جيل ۽ 7 مھينا سينٽرل جيل ڪراچي ۾ رھيو. 1983ع ۾ جساف ضلعي ٺٽي جو صدر چونڊيو ويو. 1984ع ۾ ٽوڙھي ڦاٽڪ واقعي خلاف احتجاج ڪرڻ تي کيس ھڪ مھيني تائين سب جيل، لاڏيون ۾ رکيو ويو. 1985ع ۾ شاھنواز ڀُٽي جي قتل خلاف احتجاج ۽ 1986ع ۾ لساني فسادن دوران بھ گرفتار ٿيو. 1986ع ۾ پھرين جيئي سنڌ محاذ جو ميمبر، ضلعي صدر ۽ پوءِ لاڙ ڊويزن جو ڪوآرڊينيٽر رھيو.1990ع ۾ جي. ايم سيد جي گرفتاري خلاف احتجاج ڪرڻ تي گرفتار ٿيو ۽ ڏيڍ مھيني تائين سب جيل، لاڏيون ۾ قيد رھيو. جي.ايم سيد جي وفات بعد انضمام جي صورت ۾ جيئي سنڌ قومي محاذ ٺھيو تھ پاڻ اُن جو ضلعي صدر، جئميسٽ ڪائونسل جو ميمبر ۽ مرڪزي ڪلچرل سيڪريٽري ٿي رھيو. 2007ع ۾ عبدالواحد آريسر ۽ خان قريشي'>بشير خان قريشي جي اختلافن سبب پارٽيءَ جي ٻن حصن ۾ تقسيم ٿيڻ کان پوءِ پاڻ جسقم (آريسر) جو ڪلچرل سيڪريٽري، ڊپٽي سيڪريٽري، وائيس چيئرمئن ۽ سينئر وائيس چيئرمئن جي عھدن تي رهيو. 2015ع ۾ عبدالواحد آريسر جي وفات بعد قائم مقام چيئرمئن ۽ 2018ع کان چيئرمئن جي عھدي تي آھي. اسلم خيرپوري کي آخري ڀيرو 6 اپريل 2022ع تي ٺٽي مان گرفتار ڪري ٻن ڏينھن تائين گُم ڪيو ويو، جنھن بعد بغاوت جي ڪيس ۾ 5 مھينا سينٽرل جيل ۾ رھي ضمانت تي آزاد ٿيو. ان کانسواءِ مٿس ڪيترائي بغاوت جا ڪيس ھلندڙ آھن

لفظ اسلم خيرپوريھيٺين داخلائن ۾ پڻ استعمال ٿيل آھي
اسلم خيرپوري
هن صفحي کي شيئر ڪريو

داخلا ۾ استعمال ٿيل تاريخون

1965.12.19  عيسوي

قومپرست اڳواڻ اسلم خيرپوري جو پُورو نالو محمد اسلم ولد محمد سليمان ميمڻ آھي. ھن 19 ڊسمبر 1965ع تي ميرپور بٺوري، ضلعي سجاول ۾ جنم ورتو.


شخصيتون - ڀاڱي جون ٻِيون داخلائون

دودو سومرو
سهراب خان ٽالپر مسڪين
ٿامس هينري ونس
درويش راڄو ستيو دل
ٿهيم عبدالرزاق جسٽس
جيمس لوئيس مينس
رئيس امروهوي
اي بي آڏواڻي
حڪيم محمد صالح ڪانڌڙو
دائودپوٽو ولي
شخصيتون ڀاڱي جا وڌيڪ مضمون